‘सान्चोले लिभरपुलाई उत्कृष्ट बनाउन सक्छन्’

एजेन्सी ।
इङ्ल्यान्डका युवा स्टार खेलाडी डोर्डान सान्चोको अनुबन्धनको चर्चा पछिल्लो समय धेरै चल्ने गरेको छ । जर्मन बुन्डेस लिगा क्लब बोरोसिया डर्टमन्डका खेलाडी उनी हाल प्रिमियर लिग क्लब जाने चर्चा धेरै छ ।

१९ वर्षीय जोर्डान सान्चो हाल जर्मन क्लबका लागि उत्कृष्ट खेलाडी हुन् । क्लबलाई उत्कृष्ट नतिजा दिलाउन उनको योगदान महत्त्वपूर्ण छ । उनले क्लबका लागि गोल, असिस्ट र पास समान रूपमा उपलब्ध गराएका छन् । सन् २०१७ मा डर्टमन्डको सिनियर टोलीबाट खेल्न थालेका उनले हालसम्म ६१ लिग खेलमा २२ गोल गरेका छन् ।

“यदि उनी लिभरपुलमा आए भने उनले हाम्रो टिमलाई अझै उत्कृष्ट बनाउन सक्छन् । उनी लिभरपुलमा आउँदा म धेरै खुसी हुनेछु । किनकि मैले उनीसँग राष्ट्रिय टोलीमा खेलिसकेको छु,” आलेक्सेन्डर–अर्नोल्डले मिचेल डिपाजसँगको इन्टाग्रामको लाइभ कुराकानीमा भने ।

सान्चोले यो सिजन मात्र १५ लिग खेलमा ९ गोल र ९ असिस्ट गरेका छन् । उनी बुन्डेस लिगाका सर्वाधिक गोलकर्ताको चौथो स्थानमा छन् भने सर्वाधिक असिस्ट कर्ताको दोस्रो स्थानमा छन् ।

सान्चोले यो सिजन च्याम्पियन्स लिगमा ६ खेल खेल्दै दुई गोल गरेका छन् । उनी विश्व फुटबलमा देखिने उत्कृष्ट ‘फम’मा रहेका युवा खेलाडीमध्ये एक हुन् । सान्चोले इङ्ल्यान्ड राष्ट्रिय टोलीका लागि पनि ११ खेल खेल्दै २ गोल गरेका छन् ।