अर्घाखाँचीमा एक पुरुष र बँदेलबीच ‘घमासन लडाई’, आखिर हारे पुरुष ! उपचार जारी

बिष्णु कुमार आले, अर्घाखाँची ।
जंगली जनावर बँदेलको आक्रमणबाट अर्घाखाँचीमा एक जना घाइते भएका छन् । जिल्लाको शीतगंगा–२ सितापुर काउले निवासी ३६ बर्षीय दिपक परियार घाईते भएका छन् ।

घर नजिकै बारीमा मकै रोपिरहेका बेला एक्कासी जंगली जनावर बँदेलले आक्रमण गरेको थियो । जंगल नजिकै वस्ती रहेकाले जंगलबाट बँदेल आएर आक्रमण गरेको बताईएको छ ।

परियारको बायाँ खुट्टामा बँदेलले टोकेर घाईते बनाएको छ । एक्कासी बँदेलले आक्रमण गरेपछि बँदेल र परियार बीच केही समय लडाई भएको थियो ।

परियार चिच्चाए पछि गाउँलेले थाहा पाएर बँदेल धपाएका थिए । घाईते परियारको स्थानीय मेडिकलमा उपचार भईरहेको छ । पछिल्लो समय अर्घाखाँचीको बिभिन्न ठाउँमा जंगली जनावर बँदेलले आतंक मच्चाएको छ ।