विश्वकपमा हराएको मेडल जोफ्राले भेटाए

एजेन्सी ।
इंग्ल्यान्ड क्रिकेट टिमका तीव्र गतिका बलर जोफ्रा आर्चरले आफ्नो हराएको विश्वकप मेडल भेटाएको सामाजिक सञ्जालमार्फत जानकारी गराएका छन् ।

“मलाई थाहा थियो कि मेरो मेडल घरमै होला । त्यसैले मैले यसको खोजी जारी राखें,” जोफ्राले सामाजिक सञ्जालमा खेलेका छन्, “मैले आफ्नो गेस्टका रूपमा हेरेको थिएँ । जहाँ विश्वकपको मेडल राखिएको थियो ।”

जोफ्राले पछिल्लो वर्ष एकदिवसीय विश्वकपमा इंग्ल्यान्डले उपाधि जित्दा महत्त्वपूर्ण भूमिका खेलेका थिए । उनले यसअघि आफ्नो पदक हराएको खुलाएका थिए । विश्वकप पदक एक तस्बिरमा टाँगेको र घर बदल्दा उक्त तस्बिरमा मेडल नदेखेको उनले बताएका थिए । जोफ्राले यसअघि उक्त मेडल खोज्न एक साता लागे पनि नभेटिएको जानकारी दिएका थिए ।