मेस्सीसँग अन्य कसैको तुलना हुँदैनः भाल्भेर्डे

एजेन्सी । बार्सिलोनाका पूर्व प्रशिक्षक अर्नेस्टो भाल्भेर्डेले लियोनल मेस्सीसँग अन्य कुनैपनि खेलाडीको तुलना नहुने बताएका छन् ।

बार्सिलोनाका सुपर स्टार मेस्सी प्रशिक्षकका लागि सबैभन्दा सहज खेलाडी रहेको कारण उनीसँग अन्य खेलाडीको तुलना नहुने भाल्भेर्डेले बताएका छन् ।

स्पेनिस प्रशिक्षक भाल्भेर्डेको नेतृत्वमा मेस्सीले साढे दुई वर्ष खेलेका थिए । उक्त अवधिमा आफ्नो दायित्वमा सधै सजक रहने खेलाडी मेस्सी पाएको भाल्भेर्डेको भनाई छ ।

ुमेस्सीसँग अन्य कसैको तुलना हुँदैन, ५६ वर्षे प्रशिक्षक भाल्भेर्डेले भने, मेस्सी प्रशिक्षकका लागि सबैभन्दा सहज खेलाडी हुन् । किनकि उनको टिमप्रति सधै आदार छ । जितका लागि उनको महत्वाकांक्षा छ र खेलप्रति उनी दायित्व महसुस गर्दछन् । यसले सबैलाई उच्च स्तरमा रहन बाध्य गर्दछ।

कीर्तिमानी ६ पटकको बालोन डीुओर विजेता मेस्सीले भाल्भेर्डेको नेतृत्वमा क्लबका लागि ९६ गोल गरेका थिए ।

बार्सिलोनाले गत जनवरीमा भाल्भेर्डेलाई बर्खास्त गरेको थियो । भाल्भेर्डेले बार्सिलोनालाई दुई सिजन ला लिगा तथा एक एक पटक कोपा डेल रे र सुपर कोपाको उपाधि दिलाएका थिए ।