काठमाडौं ।
विश्वभर बढ्दो कोरोना भाइरस महामारीका कारण यो सिजनको डच फुटबलको शीर्ष लिग सिजन रद्द भएको छ । कोरोना भाइरसको महामारीका कारण यो सिजन स्थगित गरिएको लिग अब नहुने संभावना भएपछि सिजन नै रद्द गरिएको हो । लिगको उपाधि कुनै पनि टिमलाई दिइएन भने यो सिजन कुनै पनि टिम रेलिगेशनमा परेका छैनन् ।
नेदरल्याण्डस सरकारले प्रमुख गतिविधिहरु आउँदो सेप्टेम्बर १ सम्म गर्न नपाउने गरी प्रतिबन्ध लगाएपछि यो निर्णय गरिएको हो । डच फुटबलको प्रशासकीय निकाय केएनभिबीले भनेको छ प्रतियोगिता स्थगनबारे भनेको छ ‘यो सिजनका बाँकी खेलहरु खेलाउन सक्ने सम्भावना अब बाँकी रहेन ।’ कोरोना भाइरसको महामारीका कारण लिग स्थगित हुँदासम्ममा २६ खेल भएका थिए ।
त्यो बेलासम्म शीर्ष स्थानमा अजाक्स र एजेड अलक्मार रहेका थिए । दुवैको समान अंक भए पनि गोल अन्तरका आधारमा अजाक्स अघि रहेको थियो ।
प्रतिक्रिया