वाणगंगा ८ ले बाँड्यो विपन्न परिवारलाई खाद्यान्न

मायादेवी अनलाइन, जितपुर ।
वाणगंगा नगरपालिका ८ ले अतिविपन्न ४ घरपरिवारलाई खाद्यान्न वितरण गरेको छ । लकडाउनले ज्यालागरी खाने मजदुर वर्ग समस्यामा परेकाले त्यस्ता परिवारलाई खाद्यान्न वितरण गरिएको वडाले जनाएको छ । ५ दिनदेखीको लकडाउने ज्यालादारी मजदुर हरु लाई छाक टार्न समस्या परेकाले उनिहरुलाई घरमै गएर खाद्यान्न वितरण गरिएको वडा अध्यक्ष गुणनिधी भुसालले जानकारी दिनुभयो । मोर्मी र मधुवनका ४ घर परिवारलाई चामल, दाल, तेल, आलु, सोयाविन, नुन, साबुन लगाएतका खाद्यान्न सामाग्री वितरण गरिएको अध्यक्ष भुसालले जानकारी दिनुभयो । विपतको समयमा वडाले खाद्यान्न वितरण गरेपछि अतिविपन्न परिवार खुसी भएका छन् । वडा भित्रका अन्य विपन्न परिवारको पनि लगत संकलन गरी खाद्यान्न प्रदान गर्ने वडाले जनाएको छ ।