कपिलवस्तुमा पोखरीमा डुबेर दुई बालकको ज्यान गयो

कपिलवस्तु ।
पोखरीमा डुबेर कपिलवस्तुमा एकै घरका दुई बालकको ज्यान गएको छ । कपिलवस्तु नगरपालिका – ८, पूर्व वेलहवामा घर नजिकैको पोखरीमा डुबेर एकै घरका दुई बालकको ज्यान गएको हो ।

ज्यान गुमाउनेमा स्थानीय तबरेज धुनियाका छोराहरु १२ वर्षीयसलमान धुनिया र १० वर्षीय अरमान धुनिया रहेका प्रहरीले जनाएको छ । दुवैक शव पोष्टमार्टमका लागि जिल्ला अस्पताल तौलिहवामा राखिएको छ ।

घर नजिकै विद्यालयको किनारमा रहेको पोखरी किनारमा खेल्दै गर्दा उनीहरुको पोखरीमा डुबेर मृत्यु भएको स्थानीयले बताएका छन् । पोखरीको किनारमा लोडरले माटो निकालेकोले गहिरो भएकोले बालकहरु त्यही ठाउँमा डुबेको स्थानीयको भनाइ छ ।