८ मंसिर २०८१, शनिबार | Sun Nov 24 2024

टोटनह्याम एफए कप फुटबलको पाँचौँ चरणबाट बाहिरियो



एजेन्सी ।
जोसे मोरिन्होको टिम टोटनह्यामले पछिल्ला खेलमा लगातार खराब नतिजा निकाल्दै आएको छ । टोटनह्याम एफए कप फुटबलको क्वाटरफाइनलमा पुग्न सकेन ।

निर्धारित तथा थप गरिएको समयमा १–१ को बराबरी खेले पनि पेनाल्टीमा नर्विच सिटीसँग पराजित भएर टोटनह्याम एफए कप फुटबलको पाँचौँ चरणबाट बाहिरिएको हो ।

घरेलु मैदानमा बुधबार राति भएको खेलमा १३ औँ मनिेटमा भेर्टोङ्गहेनको गोलबाट टोटनह्यामले अग्रता लिएको थियो । तर उसले सो अग्रता जोगाउन सकेन । ७८ औँ मिनेटमा ड्रिमिकले नर्विच सिटीका लागि बराबरी गोल गरे ।

अतिरिक्त समयमा दुवै तर्फबाट गोल हुन सकेन र खेल टाइब्रेकरमा धकेलियो । पेनाल्टीमा नर्विच सिटीले ३–२ को जित दर्ता गरेको हो ।

२८ वर्षपछि एफए कपको क्वाटरफाइनलमा टिमलाई लैजाने क्रममा नर्विचका गोलरक्षक नायक बने । गोलरक्षक टिम क्रूलले टोटनह्यामका दुई पेनाल्टीको सुन्दर बचाउ गरेका हुन् ।

प्रकाशित मिति : २२ फाल्गुन २०७६ बिहिबार ००:००  ७ : ४९ बजे