लेस्टर सिटी एफए कपको क्वाटरफाइनलमा

एजेन्सी । लेस्टर सिटी एफए कप फुटबलका क्वाटरफाइनलमा प्रवेश गरेको छ । पाँचौँ चरण अन्तर्गत बुधबार राति घरेलु मैदानमा भएको खेलमा बर्मिङ्गघम सिटीलाई १–० ले पराजित गर्दै लेस्टर सिटीले अन्तिम ८ मा स्थान पक्का गरेको हो ।

च्याम्पियनसिप क्लब बर्मिङ्गहमलाई पराजित गर्नका लागि लेस्टर सिटीले अन्तिम समयसम्म पर्खनु परेको हो । ८२ औँ मिनेटमा रिकार्डो परेइराले गरेको गोल नै लेस्टरको जितमा निर्णायक बन्यो ।

लेस्टर सिटीले पछिल्ला ६ खेलमा पहिलो जित दर्ता गरेको हो । लेस्टर सिटीले यसअघिका चार खेलमा गोल गर्न सकेको थिएन । बुधबार राति नै भएको अर्को खेलमा शेफिल्ड युनाइटेडलाई १–० ले पराजित गरेर म्यानचेस्टर सिटी पनि अन्तिम ८ मा पुगेको छ ।