चेल्सीद्धारा लिभरपुल पराजित, क्वाटरफाइनलमा स्थान सुरक्षित

एजेन्सी ।
चेल्सी एफए कप फुटबलको क्वाटरफाइनलमा प्रवेश गरेको छ । मंगलबार राति भएको पाँचौँ चरणको खेलमा लिभरपुललाई पराजित गर्दै चेल्सीले अन्तिम ८ को यात्रा तय गरेको हो । लिभरपुल भने बाहिरिएको छ ।

घरेलु मैदानमा भएको खेलमा चेल्सीले लिभरपुललाई २–० ले पराजित गरेको हो । चेल्सीका लागि विलियन र रोस बार्क्लीले गोल गरेका हुन् ।

१३ औँ मिनेटमा विलियनको गोलबाट चेल्सीले सुरुवाति अग्रता लियो । चेल्सीका लागि बार्क्लीले ६४ औँ मिनेटमा गोल गरे र टिम २–० ले विजयी भयो ।

मंगलबार राति नै भएका खेलमा जित निकाल्दै शेफिल्ड युनाइटेड र न्यूक्यासल पनि अन्तिम ८ मा पुगेको छ । शेफिल्डले रिडिङ्गलाई २–१ तथा न्यूक्यासलले वेष्ट ब्रोमलाई ३–२ ले पराजित गरेको हो ।