आर्सनलले बोर्नमाउथलाई २–१ ले हरायो

एजेन्सी ।
आर्सनल एफए कप फुटबल प्रतियोगिताको पाँचौँ चरणमा प्रवेश गरेको छ । अवे मैदानमा भएको खेलमा आर्सनलले बोर्नमाउथलाई २–१ ले पराजित गरेको हो ।
आर्सनलले दुवै गोल पहिलो हाफमै गरेको हो । यस्तै बोर्नमाउनले इन्जुरी समयको अन्तिम मिनेटतिर एक गोल फर्काएको हो । पाँचौँ मिनेटमा बुकायो साकाले गोल गर्दै आर्सनललाई सुरुवाति अग्रता दिलाए ।
२६ औँ मिनेटमा एडी एनकेटियाले गोल गरेर आर्सनलको अग्रता दोब्बर पारे । इन्जुरी समयको चौथो मिनेटमा साम सरिजले बोर्नमाउथका लागि एक गोल फर्काएका हुन् ।