पोखरीमा डुबेको अवस्थामा शब फेला

मायादेवी अनलाइन, तौलिहवा ।
कपिलवस्तुमा एक पुरुषको शव फेला परेको छ । जिल्लाको महाराजगञ्ज नगरपालिका वडा नं. ४ को राजपुरमा शब फेला परेको छ ।
हुलाकी राजमार्ग नजिकै रहेको पोखरीकम डुबेको अवस्थामा उक्त शब फेला परेको कपिलवस्तु प्रहरीले जनाएको छ ।
अन्दाजी करिब ३०÷३२ बर्षको जस्तो देखिने गहुँ गोरो वर्णको, खैरो ज्याकेट, निलो चेक सर्ट, कालो पाइन्ट लगाएको पुरुषको शब पानीमा डुबेको अवस्थामा फेला परेको हो ।
विहीबार विहान राजपुरका स्थानीयले शब देखेपछि प्रहरीलाई खवर गरेका थिए । शब नजिकै लु४प ९६९९ नम्बरको मोटरसाइकल समेत पाइएको ईलाका प्रहरी कार्यालय महाराजगन्जका प्रहरी नायब निरीक्षक अशोक कुमार श्रीवास्तवले जानकारी दिनु भयो । घटनाको अनुसन्धान भइरहेको प्रहरीले जनाएको छ ।