विहीबार र शुक्रबार दाङका सबै विद्यालय बन्द

मायादेवी अनलाइन, कपिलवस्तु ।
अत्यधिक चिसो बढेपछि दाङको घोराही उपमहानगरपालिका नगर शिक्षा महाशाखाले विहीबार र शुक्रबार दुई दिन विद्यालय बन्द गर्ने जनाएको छ । नगरको शिक्षा, युवा तथा खेलकुद महाशाखाले बुधबार सूचना जारी गर्दै वर्षे बिदाको छुट्टी कट्टा हुने गरी बिहीबार र शुक्रबार दुई दिन बिदा दिने निर्णय गरेको हो ।

महाशाखाका शाखा अधिकृत नारायण पौडेलले जारी गर्नुभएको सूचनामा चिसो बढेका कारण नगरभित्रका सामुदायिक र संस्थागत विद्यालय दुई दिन बन्द गरिएको उल्लेख छ ।

चिसोका कारण विद्यालयमा बालबालिकाको उपस्थिति पनि न्यून भएपछि दुई दिन विद्यालय बन्द गरिएको महाशाखाको भनाइ छ ।