गुल्मीको एक खाजाघरमा आगलागी हुँदा दुईजना घाइते

गुल्मी ।
गुल्मीको एक खाजा घरमा आगलागी हुँदा दुईजना घाइते भएका छन्। जिल्लाको इश्मा गाउँपालिका ६ राङदलमा रहेको दीपा खाजाघरमा मंगलबार राति आगलागी हुँदा ४४ वर्षीय कृष्ण कुँवर र २८ वर्षीय भोजबहादुर कुमाल घाइते भएको जिल्ला प्रहरी कार्यालय गुल्मीका प्रहरी नायब उपरीक्षक मीनबहादुर घलेले बताए ।
घाइतेको तम्घास अस्पतालमा सामान्य उपचार गरी पाल्पा रिफर गरिएको घलेले जानकारी दिए । खाजा घरमा सुकुटी बनाउने गरेकाले सुकुटी सुकाउँदानजिकै रहेको ग्यास सिलिन्डर पड्किदा आगलागी भएको हुन सक्ने प्रारम्भिक अनुसन्धानबाट खुलेको घलेले जानकारी दिए ।