इस्टर्न रिजन पुरुष क्रिकेटः नेपालले पहिलो खेलमा चीनको सामना गर्ने

काठमाडौँ ।

एसियन क्रिकेट काउन्सिल (एसिसी) को आयोजनामा हुने ट्वेन्टी–ट्वेन्टी इस्टर्न रिजन पुरुष क्रिकेट प्रतियोगिताको खेल तालिका सार्वजनिक भएको छ । सार्वजनकि भएको खेल तालिका अनुसार नेपालले आफ्नो पहिलो खेलमा चीनसँग प्रतिस्पर्धा गर्ने भएको छ ।

थाइल्याण्डमा हुने प्रतियोगिताको सार्वजनिक तालिका अनुसार समूह ए मा रहेको नेपालले फेब्रुअरी २९ मा चीनसँग खेल्नेछ । यस्तै मार्च १ मा थाइल्याण्ड र मार्च ३ मा नेपालले मलेसियासँग खेल्नेछ ।

प्रतियोगितामा नेपालसहित आयोजक थाइल्याण्ड, भुटान, चीन, म्यानमार, हङकङ, सिंगापुर र मलेसियाले सहभागी हुने छन् । दुई समूहमा विभाजन गरेर खेलाइने प्रतियोगिताको शीर्ष दुई टिम सेमिफाइनलमा पुग्ने छन् ।