खैरो हेरोइनसहित सात जना पक्राउ

दाङ ।
लागुऔषध खैरो हेरोइनसहित प्रहरीले बुधबार दाङमा ७ जनालाई पक्राउ गरेको छ । पक्राउ पर्नेमा घोराहीका सुरेश घर्तिमगर, संगीत बस्नेत, नरेन्द्र शेरपाइली, बलदेव वली, सरोज पुरी, गौरव न्यौपाने र शंकर चौधरी रहेका छन् ।
उनीहरुको साथबाट ४ ग्राम ९० मिलिग्राम खैरो हेरोइन र बिक्रीबाट आएको ६१ हजार ८ सय १५ रुपैयाँ नगद बरामद गरेको छ । साथै प्रहरीले उनीहरुबाट एक थान मोटरसाइल र १३ ओटा मोबाइलसमेत बरामद गरेको जिल्ला प्रहरी कार्यालय दाङले जनाएको छ ।
उनीहरुले लागुऔषध बेचबिखन गरिरहेको भन्ने गोप्य सूूचनाका आधारमा पक्राउ गरिएको प्रहरीले जनाएको छ ।