चलचित्र ‘मारुनी’ को तेस्रो गीत सार्वजनिक

काठमाडौं ।
चलचित्र ‘मारुनी’मा समावेश ‘हाने मैले झटारो’ बोलको गीत सार्वजनिक गरिएको छ । यसअघि ‘जाम्न माया जाम र सक्दिनँ बाँच्न’ गरी २ गीत सार्वजनिक गरिसकेको फिल्म युनिटले तेस्रो कोशेलीस्वरुप यो गीत सार्वजनिक गरेको हो । गीतमा अन्जु पन्त र कृष्ण काफ्लेको स्वर सुन्न सकिन्छ । यस्तै गीतमा पुरुषोत्तम ढुंगेल र कृष्ण काफ्लेको शब्द, कृष्णकै संगीत छ । भिडियोमा चलचित्रका मुख्य कलाकार पुष्प खड्का र रेविका गुरुङलाई फिचरिङ गरिएको छ । पूनम गौतमको निर्माणमा बनेको चलचित्रमा नवल नेपालको निर्देशन छ । चलचित्र भदौ १३ गतेदेखि प्रदर्शन हुँदैछ ।