गुल्मीको धुर्कोटका घर्ती मृत भेटिए

गुल्मी ।
गुल्मीको धुर्कोट गाउँपालिका ६ टिम्मुर खर्कका ४० वर्षीय भोजबहादुर घर्ती मृत भेटिएका छन् । पानी लगाउन खेतमा गएका घर्ती मृत भेटिएको जिल्ला प्रहरी कार्यालय गुल्मीले जानकारी दिएको छ ।
घर्ती बुधबार साँझ खेतमा पानी लगाउन गएका थिए । साँझ अबेरसम्म घरमा नआएपछि खोज्दै जाँदा परिवारले खेतमा मृत अवस्थामा भेटाएको प्रहरी नायव उपरीक्षक (डीएसपी) मीनबहादुर घलेले जानकारी दिए ।
घर्तीको शवलाई पोष्टमार्टमको लागि गुल्मी अस्पताल ल्याइँदै छ । घटनाबारे थप अनुसन्धान भइरहेको डीएसपी घलेले बताए ।