ट्याक्टरबाट खसेर दाङमा एक जनाको मुत्यु

दाङ ।
ट्याक्टरबाट खसेर दाङमा एक जनाको मुत्यु भएको छ। जिल्ला प्रहरी कार्यालय दाङले दिएको जानकारी अनुसार मुत्यु हुनेमा तुलसीपुर १२ रजेनी बस्ने अन्दाजी ४५ वर्षीय रामकृष्ण चौधरी रहेका छन् ।
रजेनीबाट जसपुरतर्फ जाँदै गरेको लु १ त ३४३५ नम्बरको ट्याक्टरमा सवार चौधरी शनिबार राति १२ बजेतिर टेक्टरबाट खसेर गम्भीर घाइते भएका थिए ।
प्रहरीका अनुसार उनलाई उपचारका लागि राप्ती प्रादेशिक अस्पताल तुलसीपुरमा उपचारकै क्रममा राति नै निधन भएको हो । मृतक चौधरी र ट्याक्टर चालक दाजुभाइ भएको प्रहरीले बताएको छ ।