देशभर भारी वर्षाको सम्भावना

काठमाडौँ ।
देशभरको मौसम शुक्रबार सामान्यदेखि आंशिक बदली हुने जल तथा मौसमपूर्वानुमान महाशाखाले जनाएको छ । देशभर मनसुन सक्रिय अवस्थामा रहेकाले बदली भएको मौसमविदले बताएका छन् ।
पूर्व र मध्य क्षेत्रमा सामान्य तथा पश्चिममा आंशिकदेखि सामान्य बदली हुने मौसमविदले जानकारी दिएका छन् । पूर्व र मध्यका केही स्थानमा र पश्चिमका थोरै स्थानमा वर्षाको सम्भावना रहेको छ । पूर्वका केही ठाउँमा ठूलो पानी पर्ने देखिएको छ ।
काठमाडौँ उपत्यकासहित आसपासका क्षेत्रमा बिहानैदेखि मौसम बदली भएको छ र पानी पर्ने सम्भावना पनि रहेको मौसमविदले बताएका छन् ।