गोरुसिंगे जंगलमा ट्रकको ठक्करबाट मोटरसाइकलमा सवार युवकको मृत्यु

मायादेवी अनलाइन, बुद्धभूमि ।
कपिलवस्तुमा ट्रकले मोटरसाइकललाई ठक्कर दिदा एक युवकको ज्यान गएको छ । जिल्लाको बुद्धभूमि नगरपालिका वडा नं. २ गोरुसिंगे जंगलमा ट्रकको ठक्करबाट मोटरसाइलको पछाडि सवारी एक युवाको ज्यान गएको हो ।
विहीबार दिउँसो ट्रकको ठक्करबाट गम्भिर घाइते भएका काठमाण्डौ बुढानिलकण्ठका अन्दाजी २६ बर्षीय पेम्बा शेर्पाको ज्यान गएको जिल्ला प्रहरी कार्यालय कपिलवस्तुले जनाएको छ ।
पुर्व तर्फ जाँदै गरको ना.५ख ७७१० नं.को ट्रकले बिपरीत दिशा जादै गरेको बा ७९ प ४२०२ नं.को मोटरसाईकललाई ठक्कर दिएको थियो । ट्रक र ट्रक चालक ईलाका प्रहरी कार्यालय गोरूसिंगेको नियन्त्रणमा रहेका छन् ।