अर्घाखाँचीमा जिप दुर्घटना एक जनाको मृत्यु, २ जना घाईते

बिष्णु कुमार आले , अर्घाखाँची ।
अर्घाखाँचीमा  जिप दुर्घटना हुदा १ जनाको मृत्यु भएको छ । दुर्घटनामा परि मृत्यु हुनेमा सन्धिखर्क ९ का ७० बर्षिय बोम बहादुर खत्री रहेको प्रहरीले जनाएको छ । अर्घाको नौलापानी बाट सन्धिखर्क आउदै गरेको लु १ च ९४७७ नम्बरको डबल क्याप जीप सन्धिखर्क १० पोखेडाँडा खहरेखोलामा सडकबाट करिव १ सय ५० मिटर तल खसी दुर्घटना भएको हो । ३ जना यात्रु बोकेर गुडिरहेको जिप दुर्घटना हुदा जिप चालक झबिन्द्र खत्री र अनिल जिसी गम्भिर घाईते भएका छन् । घाईते मध्ये झबिन्द्र खत्रीको अवस्था चिन्ता जनक रहेको अस्पतालले जनाएको छ । अहिले घाईतेको थप उपचारका लागी बुटवल लैजाने तयारी भईरहेको प्रहरीले जनाएको छ ।