घाँस काट्ने क्रममा रुखबाट खसेर शितगंगामा एकको मृत्यु

गणेश बेल्बासे संगम, अर्घाखाँची ।
घाँस काट्ने क्रममा रुखबाट खसेर अर्घाखाँचीको शितगंगा नगरपालिका-११ फोर्सलमा एकजनाको मृत्यु भएको छ । मृत्यु हुनेमा सोही ठाउँ निवासी गणेशमान आलेको २६ वर्षिय श्रीमती पुष्पा आले रहेकी छन् ।
घर नजिकै जंगलको भिरमा रहेको रुखमा चढेर घाँस काट्ने क्रममा बिहिबार बिहान रुखबाट खसेर गम्भीर घाइते भएकी थिइन । घाइते आलेलाई उपचारका लागि बुटवल लैजादै गर्दा मृत्यु भएको प्रहरी कार्यालय ठाडाले बताएको छ ।
कपिलवस्तुको तौलिहवामा शव परीक्षणका लागि पठाईएको थियो । शव परीक्षण पछि दास संस्कारका लागि घर लगिएको परिवार स्रोतले बताएको छ ।