ह्याट्रिक गर्दै रोनाल्डो फेरि चम्किए, पोर्चुगलमा फाइनलमा

एजेन्सी ।
कप्तान तथा स्टार स्ट्राइकर क्रिष्टियानो रोनाल्डोको ह्याट्रिकको सहयोगमा जित निकाल्दै पोर्चुगल युइएफए नेशन्स लिग फुटबलको फाइदलमा प्रवेश गरेको छ । घरेलु मैदानमा बुधबार राति भएको सेमिफाइनलमा पोर्चुगलले स्वीट्जरल्याण्डलाई ३–१ ले हराएको हो ।

पोर्चुगलको जितमा तीनै गोल रोनाल्डोले गरेका हुन् । ३४ वर्षका रोनाल्डोले २५ औँ मिनेटमा फ्रि किक मार्फत उत्कृष्ट गोल गर्दै टिमलाई सुरुवाति अग्रता दिलाए । पहिलो हाफमा पछि परेको स्वीट्जरल्याण्डले ५७ औँ मिनेटमा पेनाल्टी पायो ।
बर्नार्डो सिल्भाको पासमा ८८ औँ मिनेटमा गोल गरे । त्यसको १०२ सेकेण्डपछि उनले फेरि गोल गरे र ह्याट्रिक पूरा गरे । रोनाल्डोको ह्याट्रिकमा पोर्चुगलले जित निकाल्यो र युरोपियन फुटबलको प्रशासकीय निकाय युइएफले पहिलो पटक आयोजना गरेको प्रतिस्पर्धाको फाइनलमा स्थान बनायो ।
अब उसले उपाधिका लागि बिहीबार हुने इंग्ल्याण्ड र नेदरल्याण्डसबिचको सेमिफाइनल विजेतासँग आउँदो आइतबार पोर्टोमा प्रतिस्पर्धा गर्नेछ ।