कपिलवस्तुमा मलामी बोकेको बस दुर्घटना, ३ को अवस्था गम्भीर

मायादेवी अनलाइन, कपिलवस्तु ।
कपिलवस्तुमा मलामी बोकेको बस दुर्घटना हुँदा २८ जना घाइते भएका छन् । घाइते मध्ये ३ जनाको अवस्था गम्भीर रहेको जिल्ला प्रहरी कार्यालय कपिलवस्तुले जनाएको छ । आज अपराह्न ४ बजे मायादेवी गाउँपालिकाको पकडीबाट भैरहवा तर्फ जादै गरेको लु १ ख ७०५२ नम्बरको सिद्धार्थ यातायातको मलामी बोकेको बस दुर्घटना भएको हो । बसको पछाडीको चक्का माटोको ढिस्कोमा लाग्दा बस अनियन्त्रित भई दुर्घटना भइको खुलेको छ ।
दुर्घटनामा गम्भीर घाइते ३ जनालाई उपचारको लागि भैरहवा लगिएको छ भन्य अन्य सामान्य घाइतेको स्थानीय अस्पतालमा उपचार भैरहेको प्रहरीले जनाएको छ । बसका चालकको पनि उपचार भैरहेको छ । बस अहिले घटनास्थलमा छ भने घटनाबारे थप अनुसन्धान भैरहेको प्रहरीले जनाएको छ ।