मायादेवी अनलाइन, कपिलवस्तु ।
कपिलवस्तुको बाणगंगा -१ जितपुरमा रहेको भ्यू ग्लोबल मल्टि प्रपोज प्रा.लि.ले लोक सेवा आयोग तयारी कक्षा सुरु गरेको छ । जिल्लामा फरक पहिचान कायम गर्न सफल भएको प्रालीले लोक सेवा पढ्न जिल्लाबाहिर जानु पर्ने बाध्यतालाई चिर्नको लागि तयारी कक्षा संचालन गरिएको प्रबन्धक विष्णु भट्टराईले जानकारी दिनु भयो ।
स्थानीय तहका लागि लोक सेवा आयोगले विज्ञापन गरेका पदहरु मध्ये नायव सुब्बा र खरिदारको प्रथम र द्धितीय पत्रमा मात्र आफूले अध्यापन सुरु गरेको उहाँको भनाई छ । कक्षाहरुमा बुटवल तथा काठमाण्डौँका विशिष्ट निजामति कर्मचारीले परामर्श दिने छन् कक्षामा विज्ञहरुले बस्तुगतमा दैनिक नमुना परीक्षा, विषयगत साप्ताहिक नमुना परीक्षा समेत गराउने छन् । भने परीक्षामा उत्कृष्ट हुनेलाई विशेष पुरस्कार प्रदान गरिने छ ।
विद्यार्थीहरुको चापलाई मध्येनजर गर्दै विहानी वा दिवा समयमा कक्षा संचालन गरिने उहाँको भनाई छ । सुरुमा भर्ना हुन आउनेलाई विशेष छुटको व्यवस्था गरिएको प्रालीले जनाएको छ । यसअघि ट्यूसन, ब्रिज कोर्श तथा बिभिन्न कक्षाहरुमा राम्रो नतिजा पस्केकाले यसपाली पनि लोकसेवामा आफू सफल हुने भट्टराईको दाबी छ ।
प्रतिक्रिया