विश्वकपमा श्रीलंकाको पहिलो जित, अफगानिस्तान पराजित

एजेन्सी ।
आईसीसी एकदिवशीय विश्वकपमा श्रीलंकाले दोस्रो खेलमा पहिलो जित हासिल गरेको छ । पहिलो खेलमा न्यूजिल्याण्डसँग १० विकेटले पराजित श्रीलंकाले अफगानिस्तानविरुद्ध डकवर्थ लुइस नियमका आधारमा ३४ रनको जित आत्मसाथ गरेको हो ।
वर्षाले प्रभावित भएपछि ४१ ओभरमा झारिएको खेलमा १ सय ८७ रनको लक्ष्य पछ्याएको अफगानिस्तान ३२.४ ओभरमा १५२ रनमा समेटिएपछि श्रीलंकाको ३४ रनको जित निश्चित भएको हो ।
यो श्रीलंकाको उत्कृष्ट पुनरागमनसहितको जित हो । अफगानिस्तान भने विश्वकपमा अझै जितको खोजीमा छ । दुबै टिमले विश्वकपमा आफ्नो पहिलो खेलमा हार ब्यहोरेका थिए । अफगानिस्तान अष्ट्रेलियासँग सात विकेटले पराजित भएको थियो भने श्रीलंका न्यूजिल्याण्डसँग १० विकेटले हारेको थियो ।