श्रीलंका र अफगानिस्तान दुवै पहिलो जितको खोजिमा, चल्ला त रसिदको जादु ?

एजेन्सी,
इंग्ल्याण्डमा जारी १२ औँ संस्करणको आईसीसी एकदिवसीय विश्वकप क्रिकेटमा मंगलबारदुई दक्षिण एसियाली राष्ट्र श्रीलंका र अफगानिस्तानबीच प्रतिस्पर्धा हुँदैछ ।

नेपाली समय अनुसार दिउँसो सवा ३ बजे कार्डिफमा हुने यो खेलमा दुवै टोली पहिलो जितको खोजीमा हुनेछन् । पहिलो खेलमा दुवै टोली पराजित भएका थिए ।

पहिलो खेलमा श्रीलंका न्युजिल्याण्डसँग १० विकेटले पराजित भएको थियो भने अफगानिस्तान अष्ट्रेलियासँग ७ विकेटले हारेको थियो ।

यसअघि सोमबार भएको खेलमा आयोजक इंग्ल्याण्ड पाकिस्तानसँग अप्रत्यासित रुपमा पराजित भएको थियो । पहिलो खेलमा जित निकालेको इंग्ल्याण्ड दोस्रो खेलमा भने पाकिस्तानसँग १४ रनले पराजित भएको हो । पहिलो खेलमा हारेको पाकिस्तानले इंग्ल्याण्डमाथि शानदार जित निकालेको हो ।