बैरियामा सवारीको ठक्करबाट ज्यान गुमाउने युवकको परिचय खुल्यो

मायादेवी अनलाइन, वाणगंगा ।
कपिलवस्तुको वाणगंगा नगरपालिकामा सोमबार राती सवारीको ठक्करबाट मृत्यु भएका युवकको परिचय खुलेको छ । युवक वाणगंगा नपा ३ सिउटीका रामप्रसाद चौधरी रहेका छन् । चौधरीलाई एक सवारीले वाणगंगा नपा २ बैरियास्थित मायादेवी रिपोर्ट अगाडी ठक्कर दिएको थियो ।
गम्भिर घाइते उनलाई तत्काल उपचारको लागि सामुदायिक अस्पताल चारनम्बर लगिएको थियो । त्यहाँ उपचार सम्भव नभए पछि थप उपचारको लागि बुटवल लैजादै गर्दा बाटो मै ज्यान गएको हो ।
साइलकमा सवार चौधरीलाई ठक्कर दिने सवारी अझै पत्ता लाग्न नसकेको इलाका प्रहरी कार्यालय पिपराले जनाएको छ । यद्यपि दुर्घटना स्थल सिसी क्यामेरा जडित छ । मायादेवी रिसोर्टले जडान गरेको सिसी क्यामेरामा मिनि ट्रकले ठक्कर दिएर पूर्व तर्फ भागेको देखिन्छ ।
उक्त गाडी पूर्वबाट पश्चिम तर्फ आउँदै गरेको पनि सिसी क्यामेराको फुटेजले देखाएको घटनास्थलका प्रहरीले मायादेवी अनलाइनलाई बताएका छन् । चौधरीको शव क्षतविक्षत अवस्थामा थियो ।