मायादेवी अनलाइन, वाणगंगा ।
कपिलवस्तुको वाणगंगा नगरपालिकामा सोमबार राती सवारीको ठक्करबाट एक युवकको ज्यान जाने गरी भएको दुर्घटना पछि अहिले पूर्वपश्चिम राजमार्ग ठप्प भएको छ ।
युवकलाई ठक्कर दिने सवारी भागेपछि खोज्न भन्दै प्रहरीले चन्द्रौटाबाट बुटवल तर्फ आउने र बुटवलबाट पश्चिम जाने सवारी रोकेर खोजीकार्य जारी राखेको छ ।
पूर्वबाट पश्चिम तर्फ आउँदै गरेको अज्ञात सवारीले बैरिया मायादेवी रिसोर्ट अगाडी साइकलमा सवार युवकलाई ठक्कर दिएको र पुनः फर्केर पूर्व तर्फ नै भागेको हुनाले प्रहरीले खोजतलास जारी राखेको हो ।
सिसी टिभी फुटेजले देखाए अनुसार सानो ट्रक अथवा टिप्पर हुन सक्ने प्रहरीले बताएको छ । पूर्व पश्चिम राजमार्ग अवरुद्ध भएपछि यो समाचार तयार पार्दाको समय मध्यराती सवाँ १२ बजे सम्म करिब दुई किलोमिटर सम्म सवारी रोकिएका छन् । युवकको परिचय खुल्न सकेको छैन् । यद्यपि कतिपयले युवक वाणगंगा ३ सिउटीका हुन् सक्ने अनुमान गरेका छन् ।
प्रतिक्रिया