बैरियामा सवारीको ठक्करबाट एक युवकको मृत्यु, सवारी फरार

मायादेवी अनलाइन, वाणगंगा ।
कपिलवस्तुको वाणगंगा नगरपालिकामा सोमबार राती सवारीको ठक्करबाट एक युवकको मृत्यु भएको छ । दुर्घटना बैरियाको मायादेवी रिपोर्ट अगाडी भएको हो ।
गम्भिर घाइते ती युवालाई उपचारको लागि सामुदायिक अस्पताल चारनम्बर लगिएको थियो । त्यहाँ उपचार सम्भव नभए पछि थप उपचारको लागि बुटवल लैजादै गर्दा बाटो मै ज्यान गएको बताइएको छ ।
साइलकमा सवार ती युवक कुन ठाउँका हुन पत्ता लागेको छैन् । यद्यपि युवक २३÷२४ बर्षका जस्तो देखिन्छन् । वाणगंगा नगरपालिका वडा नं. १ स्थित बैरियामा भएको उक्त दुर्घटना कुन सवारीले घटाएको हो पत्ता लाग्न सकेको छैन् । यद्यपि उक्त स्थान सिसी क्यामेरा जडित छ ।
मायादेवी रिसोर्टले जडान गरेको सिसी क्यामेरामा मिनि ट्रकले ठक्कर दिएर पूर्व तर्फ भागेको देखिन्छ । उक्त गाडी पूर्वबाट पश्चिम तर्फ आउँदै गरेको पनि सिसी क्यामेराको फुटेजले देखाएको घटनास्थलका प्रहरीले मायादेवी अनलाइनलाई बताएका छन् । युवाको शव क्षतविक्षत अवस्थामा छ ।