पिपराको हिलवर्ट स्कुलको प्रिन्सिपलमा कमल पौडेल नियुक्त

ओम प्रकाश पौडेल, वाणगंगा ।

कपिलवस्तुको पिपरास्थित हिलवर्ट इंग्लिस बोर्डिङ स्कुलको नव नियुक्त प्रिन्सिपललाई स्वागत गरिएको छ । विगत २३ वर्ष देखि शैक्षिक संस्थाहरुको नेतृत्व गरिरहनु भएका स्थानीय शैक्षिक व्यक्तित्व कमल पौडेललाई विद्यालयले प्रिन्सिपलमा नियुक्त गरेको हो । उहाँ वाणगंगा नगरपालिका वडा नम्बर १ शान्तिटोल निवासी हुनुहुन्छ ।

नव नियुक्त प्रिन्सिपल पौडेलले रुपन्देहीमा १३ वर्ष र कपिलवस्तुमा १० वर्ष स्काईलार्क इंग्लिस बोर्डिङ स्कुल वाणगंगा ११ ओदारीको नेतृत्व गरिसक्नुभएको छ । सोमबार भएको स्वागत कार्यक्रममा विद्यालय व्यवस्थापन समितिका अध्यक्ष दिपक खनाल, विद्यालयका प्रवन्ध निर्देशन बुद्धि पौडेल, विद्यालयका शेयर धनी तथा जन सम्पर्क अधिकारी यादव मरासिनी, विद्यालयका सम्पूर्ण कर्मचारी साथै विद्यार्थीहरुको भव्य सहभागीता रहेको विद्यालयले जनाएको छ ।

सो कार्यक्रम विद्यालयका मावि तह संयोजक डिल्लिराज पाण्डेको स्वागत र विद्यालयका अतिरिक्त क्रियाकलाप संयोजक युवराज रिमालको सञ्चालनमा सम्पन्न भएको थियो । सोहि अवसरमा शैक्षिक सत्र २०७६ मा आफेनो शैक्षिक भविष्य खोज्दै हिलबर्ट इंग्लिस बोर्डिङ स्कुलमा भर्ना भएका करिव १ सय ५० नव आगन्तुक विद्यार्थी र शैक्षिक गुणस्तर सुधारका लागि नवनियुक्त शिक्षकलाई पनि भव्य स्वागत गरिएको कार्यकारी निर्देशक पौडेलले जानकारी दिनुभयो ।