प्रतिबन्धित लागुऔषधसहित युवक पक्राउ

सप्तरी ।
जिल्लाको छिन्नस्ता गाउँपालिका क्षेत्रबाट प्रहरीले लागुऔषधसहित एक युवकलाई पक्राउ गरेको छ। सीमावर्ती भारतीय बजारबाट अनटेस्ट मोटरसाइकलमा लुकाएर ल्याएको प्रतिबन्धित लागुऔषध डाइलेक्स डिसिसहित आइतबार छिन्नमस्ता गाउँपालिका-२ मोहनपुरबाट सप्तरीको राजगढ गाउँपालिका ६ कुडनवा घर भएका २५ वर्षीय श्रवण यादवलाई पक्राउ गरिएको हो।
इलाका प्रहरी कार्यालय छिन्नमस्ताबाट खटिएको गस्ती प्रहरीले यादवलाई अनटेस्ट मोटरसाइकलमा लुकाएर ल्याएको एक सय एमएलको एक सय एक बोतल डाइलेक्स डिसीसहित पक्राउ गरिएको सप्तरी प्रहरीले जनाएको छ। जिल्ला प्रहरी कार्यालय सप्तरीका अनुसार पक्राउ गरिएका यादवलाई आइतबारै लागुऔषध ओसारपोसार अन्तर्गतको मुद्दामा अनुसन्धानका लागि म्याद थप गरिएको छ।