जनता मावि पिपराका पूर्व प्रअको निधन, विहीबार शोक विदा

मायादेवी अनलाइन, वाणगंगा ।
कपिलवस्तुको वाणगंगामा अवस्थित जनता मावि पिपराका पूर्व प्रध्यानाध्यापक भोजराज शास्त्रीको निधन भएको छ । विद्यालयको समग्र हित र बिशेष गरी माध्यमिक तह संचालनमा योगदान गर्नुभएका शास्त्रीको निधन प्रति विद्यालयले गहिरो दु.ख व्यक्त गरेको छ ।
बुधबार बिहान विद्यालय व्यवस्थापन समितिको आकस्मिक बैठक बसी शोक प्रस्ताव पारीत गरेको हो । शास्त्री एक सामाजिक एवम शैक्षिक व्यक्तित्व भएको चर्चा गर्दै उहाँको क्षति सदैव विद्यालय तथा समाजले महशुस गर्ने विद्यालय व्यवस्थापन समितिका अध्यक्ष विष्णु प्रसाद पौडेलले बताउनुभयो ।
त्यस्तै शोक सन्तप्त परिवारजन प्रति धैर्यधारणको कामना गर्दै विहीबार मिति २०७६ बैशााख १९ गते विद्यालयले शोक बिदा घोषणा गरेको विद्यालयका प्रध्यानाध्यापक रमेश पन्थीले बताउनुभयो ।