नेपाल किसान ट्रेक्टर समितिको आयोजनामा रक्तदान, ९० प्वाइन्ट रगत संकलन

मायादेवी अनलाइन, कपिलवस्तु ।
नेपाल किसान ट्रेक्टर समिति कपिलवस्तुको आयोजनामा बिहीबार रक्तदान कार्यक्रम सम्पन्न भएको छ । समितिको नियमित बार्षिक कार्यक्रम अन्तर्गत रक्तदान कार्यक्रम आयोजना गरिएको रक्तदान कार्यक्रम संयोजक विष्णु गिरीले बताउनुभयो । रक्तसञ्चार केन्द्र बुटवलको प्राविधिक सहयोगमा गरिएको रक्तदान कार्यक्रममा ९० प्वाइन्ट रगत संकलन भएको समितिले जनाएको छ ।
नेपाल रेडक्रस सोसाइटी रुपन्देही शाखा सभापति प्रेमलाल उदासकोे प्रमुख आथित्यतामा सम्पन्न कार्यक्रममा ट्रेक्टर धनी, पत्रकार, पदाधिकारी एवम् स्थानीय बुद्धिजिवीहरुको आतिथ्यता रहेको थियो ।
उक्त कार्यक्रममा नेपाल किसान टे«क्टर समितिका अध्यक्ष मधु अर्यालले रक्तदान गर्दा कमजोर भईन्छ भन्ने भ्रम रहेको र उक्त भ्रमलाई चिर्न वार्षिक रुपमै समितिले रक्तादान कार्यक्रम आयोजना गर्दै आएको बताउनुभयो ।
समितिका अध्यक्ष मधु अर्यालको अध्यक्षता सम्पन्न रक्तदान कार्यक्रको संचालन सचिव शान्त विक्रम पौडेलले गर्नुभएको थियो । कार्यक्रममा सम्पूर्ण रक्तदाताहरुलाई रक्तदान पश्चात फलफूल, जुस तथा प्रमाणपत्र प्रदान गरिएको थियो ।