मेयरको घरमा बम विस्फोट

कैलाली, माघ १० । कैलालीको गोदावरी नगरपालिकाका मेयरको घरमा अज्ञात समूहले बम विस्फोट गराएको छ ।

गोदावरी नगरपालिकाका मेयर हरिसिँह साउदको घरमा बुधबार विहान २ बजे अज्ञात समूहले बम विस्फोट गराएको हो । घर भन्दा ५ मिटर पर खाल्डो खनेर प्रेसर कुकर बम विस्फोट भएको इलाका प्रहरी कार्यालय मालाखेतीले जनाएको छ ।

प्रहरीका अनुसार बम विस्फोटबाट घरको भित्ता भत्किएको छ भने अन्य कुनै क्षति भएको छैन ।