कपिलबस्तुमा ६५ बर्षिय बृद्ध बेपत्ता, खोजीकार्य गरिदिन आग्रह

भुपाल थापा, कपिलबस्तु, ९ माघ ।
जिल्लाको कपिलबस्तु नगरपालिका वडा नं. १ स्थित छोट्कीतौलिहवा निवासी ६५ बर्षिय रामसुभग बानिया गत माघ ५ देखि बेपत्ता भएका छन् । शुक्रबार मध्यान्न आफ्नै घरबाट निस्किएका बानिया आजसम्म नफर्केपछि आफन्तले सोमबार जिल्ला प्रहरी कार्यालयमा जाहेरी दिएका छन् ।
मानसिक सन्तुलन बिग्रिएकाले औषधी सेवन गर्ने गरेका उनी घरमा कसैलाई नभनी हिंडेको बेपत्ता बानियाका श्रीमती आरतीले बताइन् । आफन्त, नातागोता सबैसंग बुझ्ला कोहीकसैकोमा नगएको छोरा निरज बानियाले बताएका छन् ।

बेपत्ता बानिया गारो बर्ण, ६ फुट अग्लो, कपाल फुलेको, कालो कोट र सेतो धोती लगाएको, टाउकोमा पंहेलो रगंको कपडा बांधेको हुनाले देख्नु÷भेट्टाउनुहुने ब्यक्तिले नजिकको प्रहरी चौकीमा सम्पर्क गरिदिन परिवारले आग्रह गरेको छ ।
देख्नु÷भेट्टाउनुहुने महानुभावलाई उचित पुरस्कारको ब्यबस्था गरिएको छोरा निरज बानियाले बताए । उनले आफ्ना बुवा देख्ने या भेट्टाउने ब्यक्तिलाई मोवाइल नं. ९८२१९९१५२१ र ९८२१४४१९७५ मा सम्पर्क गर्न आग्रह गरेका छन् ।