चुरामणि अर्याल, कपिलवस्तु, ४ माघ ।
ट्याक्टरको ठक्करबाट कपिलवस्तुमा बुधबार साँझ मोटरसाइकल चालकको ज्यान गएको छ । ज्यान जानेमा मोटरसाइकल चालक शिवराजनगरपालिका–१ माझँगाउँ बस्ने २६ बर्षिय खुमन सिंह पुन रहेको वडा प्रहरी कार्यालय चन्द्रौटाले जनाएको छ ।
ट्याक्टरको ठक्करबाट गम्भीर घाइते भएका पुनको अस्पताल लैजाँदै गर्दा बाटोमा नै मृत्यु भएको वडा प्रहरी कार्यालय चन्द्रौटाका प्रहरी निरीक्षक झविन्द्र प्रसाद भट्टराईले जानकारी दिए ।
पूर्व–पश्चिम महेन्द्र राजमार्ग अन्तर्गत शिवराज नगरपालिका–१ शिवपुरमा पश्चिमबाट पूर्व आउँदै गरेको लु २ त ५७१३ नं. को ट्याक्टरले विपरीत दिशाबाट जाँदै गरेको लु ५ प ८५१ नम्बरको मोटरसाइकललाई ठक्कर दिएको हो ।
ठक्कर दिने ट्याक्टर प्रहरीले नियन्त्रणमा लिएको र चालक भने फरार रहेको प्रहरीले जनाएको छ ।
प्रतिक्रिया