कपिलवस्तु युनाइटेड फर्साटिकर युवा क्लब संग पराजीत

तुलसीराम पौडेल, फर्साटिकर, २ माघ ।
रुपन्देही शुद्धोधन गाउँपालिका ४ स्थित फर्साटिकर युवा क्लबको आयोजनामा संचालित पाचौं टेन्सवर्ग फुटबल प्रतियोगिता अन्तरगत मंगलबार सम्पन्न क्वाटर फाइनलको अन्तिम चरणको खेलमा फर्साटिकर युवा क्लब भर्सेज कपिलवस्तु युनाइटेड बीच भएको प्रतिस्पर्धामा २÷० को अन्तरले फर्साटिकर युवा क्लब विजयी भएको छ ।
उक्त खेलमा फर्साटिकर युवा क्लबका जर्सी नम्बर १६ का मुकेश कुवर (क्याप्टेन ) र जर्सी नम्बर १३ का सरोज थापाले १÷१ गोल गरेका थिए । उक्त खेलको म्यान अफ द म्याच कपिलवस्तु युनाइटेडका जर्सी नम्बर ४ का समर्थ थापा घोषित भए । म्यान अफ द म्यान पुरस्कार फर्सा्टिकर युवा क्लबका सरक्षक चक्रबहादुर कँुवरले प्रदान गर्नुभयो । बुधबार सेमिफाइनलको पहिलो खेल भैरब एफ सि नवलपरासी भर्सेस लिस्नु क्लब कोटिहवा बीच हुने खेल संयोजक यज्ञमुर्ती अधिकारीले बताउनुभयो ।