प्रधानन्यायाधीश माथि नै सर्वोच्चको यस्तो आदेश

काठमाण्डौं, २६ पुस ।
सर्वोच्च अदालतले प्रधानन्यायाधीश गोपालप्रसाद पराजुलीमाथि डाक्टर गोविन्द  केसीले लगाएको आरोप सम्बन्धी मिसिल सम्बन्धित निकायबाट झिकाउन आदेश दिएको छ ।

नागरिक अभियान्ता डा.  केसीले प्रधानन्यायाधीश गोपालप्रसाद पराजुलीमाथि दुई वटा नागरिकता लिएको, नक्कली प्रमाणपत्रका आधारमा जागिर खाएको र त्रिभुवन विश्वविद्यालय चिकित्सा शिक्षण संस्थान आइओएमका डिन शशी शर्मालाई पुनर्वहाली गर्दा आर्थिक चलखेल गरेको आरोप लगाउनुभएको थियो ।

यी आरोपका बारेमा सम्बन्धित निकायबाट आवश्यक कागजात झिकाएर छानविन गर्न इजलासले सर्वोच्च प्रशासनलाई आदेश दिएको छ ।